Фарохони «Коргурӯҳи поиши забони порсӣ»

Ёрӣ ҷустан аз баробарниҳодҳои ботабор ва сара, пешниҳоди вожа‎ҳои навсохта барои равон шудан дар забони ҳамагон ва боздорӣ аз густариши вожаҳои бегона аз кунишҳои шоиста барои посдорӣ аз фарҳанг ва забони порсист. Чунин ормоне бе вокуниши баҳангом дар баробари омадани вожаҳои тоза ва ҳамчунин посдорӣ аз дастури забони порсӣ дастёфтанӣ нахоҳад буд.
Ба сухани дигар, ҳарчанд ниҳоде чун Фарҳангистони забони форсӣ бо ҳамаи хурдаҳое, ки метавон ба бархе аз шеваҳои кораш гирифт, дар заминаи сохти вожаҳои порсӣ кӯшост, чун пайванде шоён ва пӯё бо порсизабонон надорад, ҳам аз густариши вожаҳои тозаи бегона дар забони мардумон дер огоҳ мешавад ва ҳам он ки пуштивонаи анҷомии шоистае барои ҷо андохтани баробарниҳодҳои тоза ва пешниҳодиаш надорад. Аз ин рӯ, Фарҳангистони забони форсӣ пойгоҳ ва ҷойгоҳе барои поиши забон нест. Низ, кӯшандагон дар заминаҳои гуногун шояд аз будани чунин баробарниҳодҳое ноогоҳ бошанд. Камбуди пайванд миёни ин ду бахш яке аз осебҳои бунёдин барои тавонмандсозӣ ва посдории забони порсист.
Аз сӯи дигар, огоҳ кардани ҳамаи мардумон ба боистагии бархурди пӯё бо чунин гузораҳое ва ошно карданашон бо боистагии баҳра бардан аз номҳо ва вожаҳои порсӣ аз дигар хешкориҳоест, ки ҳарчанд порсидӯстон ҷаставу гурехта анҷом медиҳанд, ҳаройина дар набудии ниҳоде созмонманд аст.
«Коргурӯҳи поиши забони порсӣ»-и Порсӣ Анҷуман хоҳад кушид, ки посухгӯйи чунин ниёзе бошад.
Аз ин рӯ, дилбастагони порсӣ, ки дар заминаи вожагузинӣ ва дастури забони порсӣ огоҳӣ доранд, метавонанд дархости ҳамкории худро ба нишонии телегроми Порсӣ Анҷуман (https://t.me/parsianjoman) бифиристанд.
Хоҳишмандем, дар дархости ҳамкорӣ, ҷудо аз ном ва номи хонаводагӣ, дар 50 то 100 вожа, аз чандучуни орвин ва дониши худ дар забони порсӣ бинивисед.