Вожагузинӣ дар даврони Сосонӣ ва таъсири он дар форсии дарӣ

Порсӣ Анҷуман: Даврони Сосониён даврони пуршукӯҳи шаҳройинии эронӣ аст. Фарҳанг дар рӯзгори Сосониён ба чунон шукуфоӣ расида буд, ки агар ба жарфӣ ба андешаҳои андешакорони даврони исломӣ, ки бештари онон эронӣ буданд, бингарем, дармеёбем, ки решаҳои ҳамаи ононе, ки хираде рӯшан ва сухане барои гуфтан доранд, ба ин рӯзгор мерасад.

Нивисанда дар ин ҷустор шеваҳои вожагузинӣ ва вожасозӣ барои донишвожаҳо, бавижа дар заминаҳои фалсафӣ, пизишкӣ ва ситорашиносиро дар нивиштаҳои порсиг (паҳлавӣ) ва пайванди ин шеваҳо бо нивиштаҳои носурудини порсии дарӣ, бавижа дар садаҳои чаҳоруму панҷум ва дар нивиштаҳои бузургоне чун Пури Сино, Берунӣ ва Носири Хусравро бармерасад.

Ҷустори “Вожагузинӣ дар даврони Сосонӣ ва таъсири он дар форсии дарӣ”,
нивиштаи дуктур Ҳасани Ризоии Боғбедиро
ба десаи Пидиэф аз «инҷо» дарёфт кунед.

Гуфтанист, ки дар ин ҷустор нодурустиҳое низ ба чашм мехӯрад. Барои намуна, дар бахши “Тарҷумаи қарзӣ” онҷо, ки нивисанда бархе аз вожаҳои порсигро бе ҳич чамварзии рӯшане баргардоне аз вожаҳои суриг (сурёнӣ) ва юнонӣ ва тозӣ медонад. Барои намуна, “дониши шумор”, ки Берунӣ дар китоби “Аттафҳим”-и худ ба кор бурдааст ва реша дар порсиг дорад ва пешинае дар тозӣ надорад, Боғбедӣ баргардони “ъилми ҳисоб”-и тозӣ медонад, ки агар нек бингарем, вожгуна аст ва ъилми ҳисоб баргардоне аз дониши шумор аст ва нодурустиҳои дигаре аз ин даст.

Бар ҳар рӯй, ин ҷустор то андозае пешина ва тавонмандии порсӣ ва порсигро дар вожасозӣ нишон медиҳад. Ҷо дорад, ки пажӯҳандагон дар ин замина, ки ҳанӯз кори чандоне нашудааст, ба пажӯҳишҳои жарфтаре даст бизананд, то ҳам гиреҳ аз бисёре аз душвориҳо дар вожасозӣ бигшоянд ва ҳам вожасозӣ дар порсиро бо нигар бар ин пешинаи пурбор устувор кунанд, то порсӣ битавонад хуррамияшро бештар аз порсиг ва низ авестоӣ бистонад.

Огоҳӣ: Барои пайванд бо мо метавонед ба роёнишонии azdaa@parsianjoman.ir нома бифристед. Ҳамчунин, барои огоҳӣ аз барӯзрасониҳои торнамо метавонед ҳамванди Рӯйдоднома-и Порсӣ Анҷуман шавед ва низ метавонед ба торбарги мо дар Фейсбук ё Телегром бипайвандед.

متن فارسی “اینجا” است